影片
更多
2017-07-07
2169 瀏覽
較早前於openrice 睇咗筲箕灣明星金閣營業時間至23：30，於是星期四晚就約咗幾個朋友係筲箕灣明星金閣食晚飯，但係因為有個朋友收工時間會晏啲，所以我哋就約咗晚上9：15到酒樓，而我哋都未齋人就已經開始叫餸，邊食邊等嘅時候，大約9：45酒樓侍應就開始收餐牌，於是我哋就問仲可唔可以叫餸，佢就話：“要快！因為廚房已收爐，只可以叫小炒。”於是我哋想叫咕嚕肉，點知又話，只得生炒骨，唉～唯有照落單啦，因為真係驚唔夠食。點知嚟到，碟生炒骨，全肥肉，雖然我無食，但所有朋友食咗都話好肥，早知就唔叫啦，無諗到廚房趕住收工，竟然都搵啲咁肥嘅肉嚟趕客…😧最後未到十點，就已經開始陸續熄燈及冷氣，以及叫我哋埋單先，雖然無催我哋走，但係企後面個女侍應塊面色真係難睇到嚇死人！亦睇住好多員工陸續收工收人，嘩，如果咁早收，啲職員就應該同我哋講聲啦，無理由搞到我哋去酒樓食晚飯，變到好似去快餐店食快餐咁，趕頭趕命，食完都成身熱哂！😡經過今次嘅經驗，以後都唔再相信網上睇到嘅營業時間，以後都係要自己打電話問清楚，亦唔好以為酒樓一定收得夜！🤔相信以後都唔會再去幫襯食晚飯！
而我哋都未齋人就已經開始叫餸，邊食邊等嘅時候，大約9：45酒樓侍應就開始收餐牌，於是我哋就問仲可唔可以叫餸，佢就話：“要快！因為廚房已收爐，只可以叫小炒。”
於是我哋想叫咕嚕肉，點知又話，只得生炒骨，唉～唯有照落單啦，因為真係驚唔夠食。點知嚟到，碟生炒骨，全肥肉，雖然我無食，但所有朋友食咗都話好肥，早知就唔叫啦，無諗到廚房趕住收工，竟然都搵啲咁肥嘅肉嚟趕客…😧
最後未到十點，就已經開始陸續熄燈及冷氣，以及叫我哋埋單先，雖然無催我哋走，但係企後面個女侍應塊面色真係難睇到嚇死人！亦睇住好多員工陸續收工收人，嘩，如果咁早收，啲職員就應該同我哋講聲啦，無理由搞到我哋去酒樓食晚飯，變到好似去快餐店食快餐咁，趕頭趕命，食完都成身熱哂！😡
經過今次嘅經驗，以後都唔再相信網上睇到嘅營業時間，以後都係要自己打電話問清楚，亦唔好以為酒樓一定收得夜！🤔
相信以後都唔會再去幫襯食晚飯！
張貼
