鐵牛台灣牛肉麵 (旺角中心第一座) (已結業)

整理自己電話的相簿中，發現鐵牛的相片，其實間中都會黎食下，貪佢地方大又半自助，就算係餐廳hea都無乜壓力，當然人多等位時就不會霸住張枱啦。是日同朋友食完晏，又行左陣街，天氣悶熱又無乜搞，搵個地方坐陣睇下戰利品，又黎左鐵牛，下午茶時段無乜人，啱晒坐下傾下偈。朋友點左紅燒牛肉麵加珍珠奶茶，上枱時熱辣辣幾有誠意，好怕啲餐廳煮定好耐連翻熱都懶。湯頭鮮甜味濃，朋友幾滿意，佢鍾意濃味野呀。牛肉大大塊炆得軟腍，麵條有咬口，幾好味。珍珠奶茶夠凍又大杯，茶香奶滑珍珠煙韌，行街飲都要呢個價，呢度有埋位坐簡直係抵添啦。純粹坐下飲杯野，鐵牛真係好好hea，哈哈。