ADD+ (已結業)

大家去M+同藝術品打卡，我就去搵嘢食😂 M+新開嘅餐廳ADD+提供嘅係比較”古靈精怪”、帶有港式味道嘅食物。我weekend去，排隊排咗大概45分鐘，喺有冷氣嘅地方排隊唔會覺得太痛苦。餐廳環境寬敞，我入到去被安排坐窗邊位置，望到海景，只可惜嗰日天氣唔好，個天灰濛濛一片。鵝油叉燒炒意粉幾特別，用一個膠袋袋住上枱，嚟到嘅時候侍應會剪開膠袋，幫你將意粉撈勻，食落幾有鵝油味，味道唔錯。食到最底會幾油，但係可以接受。海南雞飯都係招牌菜，雞肉肉質嫩滑，配上三種醬料任君選擇。雙色雞蛋仔都幾得意。雖然比起外面買嘅雞蛋仔貴，但係以咁嘅環境，定價都可以接受。雞蛋仔外脆內軟，我哋揀咗士多啤梨味同伯爵茶味，係食到呢兩隻味嘅，而且味道唔會話好假。💰: HK$200 pp (Lunch)💝: 7/10