小王牛肉麵 (已結業)

小王牛肉麵來自高雄，憑著牛肉麵拎過獎，在香港都有幾間分店， 格局都比較親民。之前食過小王牛肉麵，味道不錯，襯著下午茶時間，點左2份下午茶餐。好開心下午茶餐竟然有金錢肚！！主角對我黎講係金錢肚：好大塊又好入味，一點雪味都無，我仲好喜歡小王麵既質感，加上個湯極之濃郁，唔會太咸，食完十分滿意加滿足。另外老公點左肉躁蛋飯，味道都不錯，同跟餐仲會有一杯蜂蜜綠茶呢。我覺得抵食加正宗過樓下大集團偽台灣菜啊。另外我地都加左份豬耳，蒜味超香口，因為今日唔想食煎炸野，如果唔係我都實會叫炸雞排。我會用實而不華黎形容小王，無舖張宣傳，但食物保持質素，員工都是香港風格，小王屬於貼地既台灣牛肉麵店。