閨•家 (寶榮大廈) (已結業)

炮台山呢間餐廳成日都爆場，門口仲要好多人等外賣。一於買返公司慢慢嘆...平日無乜湯水飲，呢度嘅老火湯足料又好味。「海底椰栗子煲豬𦟌」勁多料，加埋海底椰，夠哂滋潤，味道好住家Feel「香煎蓮藕餅豬扒飯」豬扒好大塊，應該是鎮店招牌吧，肉質夠淋，豬扒個汁入哂味。「手剁香煎蓮藕餅飯」厚厚嘅蓮藕餅煎到外皮好香口，咬落有一絲絲嘅蓮藕好爽口，好有口感，超好食。「麻辣雞腎」雞腎爽口，加上芝麻同麻辣，好惹味。食過一次，真係會想再嚟第二次...唔怪得咁多人，就算等位都一定要試。