川婆婆 (寶勒巷) (已結業)

阿媽之前喺尖沙咀返工，都成日食佢㗎啦！每一次想食辣嘢，必定會諗起佢😍事隔咁多年，今日帶埋婆婆一齊去刺激下味蕾😋呢度晚市係食串串火鍋，而家仲送埋雞煲添❤️真係應有盡有🤩不過嚟到呢一度，就梗係食麻辣串串啦😚我哋要咗鴛鴦鍋，一邊係麻辣味，一邊係唔辣嘅菇菌湯底☺️兩邊各有特色，麻辣湯底其實唔算好辣，以香同麻為主，未到屬於平易近人嘅😍所以唔食得辣嘅朋友都唔使驚反而我覺得個雞煲仲辣啲😅菇菌湯底，最適合就係淥蔬菜啦，非常清甜，因為係蔬菜湯嘅關係，亦都唔會非常油膩，怕肥嘅朋友仔就啱晒你啦🥰我再推介嘅就係呢度嘅羊肉串，鍾意食羊嘅朋友一定會好鍾意，因為羊味十分香濃，唔中意既可能會覺得好蘇😆我哋叫呢個B餐，仲有靚牛同是日海鮮，靚牛果然係靚牛，識落非常軟滑，亦都豐富牛肉味，望落去亦都油脂分布均勻👍🏻而海鮮方面今日就有鮑魚、蝦同大蜆！每樣都非常新鮮☺️飲品方面，呢度嘅汽水係任飲嘅，而且係玻璃樽裝嘅汽水，非常之有特色❤️