Hot Pot 熱‧海鮮火鍋私房菜 (已結業)

天氣突然轉涼，朋友想打邊爐所以我哋搵咗佐敦一間打邊爐私房菜。湯底我哋揀咗香濃沙嗲豬骨鍋，胡椒老壇酸菜魚白肉鍋，雙併鍋底以價高為收費。豬骨起碼有五大舊，沙爹醬放咗喺豬骨嘅上面，等我哋自己攪勻。厚切白肉滿佈鍋中，看完之後，我決定唔再叫豬肉。見到佢個特別推介餐牌，有多款不同部位嘅牛肉，我哋就叫咗個細手切腩包，送上嚟嘅時候連埋蛋汁，可以畀你涮完牛肉，點蛋汁食。帶子片，白鱔片都係齊放喺冰上面保持新鮮。響鈴，新鮮製造，一放落湯上面，滾一兩秒就已經好冧。因為每樣丸都想試下，所以點了手打丸拼，包括左手打墨魚丸，麻辣雞肉丸，手打蝦丸，芝士牛肉丸，鹹蛋豬肉丸。各款丸類各有特色，但我是還是偏愛手打蝦丸。同樣我們點了餃子拼盤，韭菜豬肉餃，麻辣牛肉餃，鮮蝦水餃，鮮蝦蟹子雲吞，牛肝菌竹笙餃，黑松露山藥餃。我最喜歡食的都是香港最有特色嘅鮮蝦蟹子雲吞。朋友想食菇類，但我們已經點了好多食物，所以只點了秀珍菇。qq水晶粉，煮的時間需時，因為要等水晶粉完全透明才好食。蔬菜拼盤，送上來好似一個盆栽咁。有各款菜，皇帝菜，菠菜，黃芽白，粟米，蕃茄仔，紅黃綠都有，擺盤好靚。眼見店員好忙，負責私房菜出菜。佐敦都係食私房菜嘅出名地方，