元朗新記 (吳松街)

營業中

休息中

元朗新記印象中得元朗果間好食，因為太掛住新記的粥品，元朗太遠，就唯有去佐敦間試試，估唔到質素愈來愈好，拍得著元朗新記名譽。小食好多款，點了兩款：香脆炸大腸，海蜇手撕雞，哇好食到不得了，炸大腸炒香脆啊，海蜇夠爽脆，同手撕雞配搭夠入味，送粥真係正到不得了。粥類就點了貴妃雞豬潤粥同鮮蟹粥，呢度貴妃雞出名的，必試之選，鮮蟹粥的蟹肉也夠厚肉，粥底夠綿滑，真係食粥的最佳之選。晚餐後這裡還有甜品點，點了養顏蛋白杏仁茶，甜甜滋潤又好喝，女生們的恩物。