銀杏館 (已結業)

銀杏館是少有的成功社會企業，專聘一班活力充沛的老人家。佐敦分號有兩層，地方唔算好大，環境都OK嘅。至於招呼，大部份店員都幾nice。我哋七個人叫了七個main course(其中五個加錢轉咗set)，店方亦會主動加送餐湯餐飲，服務值得加分。唯一缺點是上菜慢了一點。至於食物，首先奉上青瓜紅籮蔔條作前菜小食。Dinner set有煙三文魚雜菜沙律，伴以粉紅色的紅菜頭/紅椰菜汁，挺特別。如加多$20，更有生蠔兩隻。雖無吃生蠔，同怡friend friend話OK。接着來的是香草包及羅宋湯。羅宋湯無乜特別，但香草包就好得，香草牛油香味突出。至於main course，品嚐了黑毛豬扒及秘製牛骨。兩款main course用熱辣辣嘅瓦碟盛載，確保食物温度，加分。食材size不少，賣相亦不俗。味道方面，黑毛豬扒肉質幾腍，肉味亦濃，品質頗佳。秘製牛骨同樣肉質軟腍，質感似煲湯鮮肉，味道略帶甜味，亦是店方推介之一。餐後有餐飲一杯，吃畢感覺滿足。P.S. 恆生咭有九五折