倫哥尊尚火鍋私房菜 (已結業)

好耐未食個麻辣雞煲，趁疫情逐漸好轉可以去吓打邊爐。個friend話呢一間倫歌私房菜都幾好食又可以任食雞件，所以就試試佢。除咗任食雞件，汽水同埋其他飲品都係任飲架。侍應首先問咗我哋想要大中小辣，我今次叫咗個小辣就覺得還可以，下次可以試個中辣啦。 啲雞味都幾好，唔會得個辣字。而且啲雞啖啖肉唔會得返啲雞骨。大家記住如果唔夠食可以再encore雞件㗎。如果食晒色覺啲雞之後，就可以叫侍應加湯轉做打邊爐一鍋二食！除咗肉之外，其他配料都可以喺出邊個雪櫃自己拎！大家可以睇吓個Menu上邊有好多唔同嘅選擇。除此之外仲有個海鮮拼盤送既，入面分別有鮑魚，大峴，青口，蝦同埋魚等等既海鮮！呢個拼盤都真係幾新鮮好正！ 呢個任飲任食嘅火鍋套餐真係食到勁飽。食完之後仲有糖水甜品送俾你。我覺得都幾抵可以再返兜。 👍