影片
更多
2017-09-05
18 瀏覽
好耐都無同細佬妹出街食飯啦，咁岩今晚大家都得閒，所以就決定出街覓食。(對上次一次已經係半年前)沿途行經佐敦，就見到一間叫Bigger Burger嘅食肆。諗起大家都好耐無食過美式漢堡，所地我地都一致贊成入去試下。黃金時間唔駛等位，真係開心到我地呢~裡面裝修好特別，牆壁掛滿西方流行音樂歌手，例如: Lady Gaga, Avril Lavigne... 重有其他好得意嘅圖案，莞爾令我地覺得置身美國或者加拿大。我睇左餐牌一陣，好快就決定食西冷牛扒餐(牛扒要左七成熟)。成個set dinner都只係98蚊，重有個熱辣辣嘅忌廉餐湯，加上唔駛加一，真心幾抵。餐湯配麪包，平凡中嘅不平凡。塊西冷塊都有「一隻半」手掌咁大架，且無咩牛筋，的確幾易入口。野飲方面，我叫左杯鮮橙汁，因為要健康呀！估唔到跟餐叫野飲只需要加5蚊。諗落真係算幾划算。至於細佬妹，竟然都不約而同咁叫左一份松露蛋漢堡配薯條。尼個set都只係98蚊炸。成塊漢堡牛扒啖啖肉，加埋香滑嘅黑松露醬，令成個包充滿另類嘅新鮮感。鍾意食黑松露嘅細妹更加係讚不絕口，食到停唔到好，成個傻瓜咁。因為唔想剩係食普通粗薯條咁dry，所以我地臨時決定加25蚊，
沿途行經佐敦，就見到一間叫Bigger Burger嘅食肆。諗起大家都好耐無食過美式漢堡，所地我地都一致贊成入去試下。黃金時間唔駛等位，真係開心到我地呢~
裡面裝修好特別，牆壁掛滿西方流行音樂歌手，例如: Lady Gaga, Avril Lavigne...
重有其他好得意嘅圖案，莞爾令我地覺得置身美國或者加拿大。
我睇左餐牌一陣，好快就決定食西冷牛扒餐(牛扒要左七成熟)。成個set dinner都只係98蚊，重有個熱辣辣嘅忌廉餐湯，加上唔駛加一，真心幾抵。
餐湯配麪包，平凡中嘅不平凡。
塊西冷塊都有「一隻半」手掌咁大架，且無咩牛筋，的確幾易入口。
野飲方面，我叫左杯鮮橙汁，因為要健康呀！估唔到跟餐叫野飲只需要加5蚊。諗落真係算幾划算。
至於細佬妹，竟然都不約而同咁叫左一份松露蛋漢堡配薯條。尼個set都只係98蚊炸。
成塊漢堡牛扒啖啖肉，加埋香滑嘅黑松露醬，令成個包充滿另類嘅新鮮感。鍾意食黑松露嘅細妹更加係讚不絕口，食到停唔到好，成個傻瓜咁。
因為唔想剩係食普通粗薯條咁dry，所以我地臨時決定加25蚊，轉特別嘅松露薯條。
呢次黑松露薯條都無令我地失望呀！芝士粉令成個薯條香噴噴，未食已經令我地垂涎三尺。一食落口，芝士粉配埋黑松露，真係成個粗薯條嘅最佳拍檔。薯條熱辣辣，一點都唔油膩。
食完main dish之後，細佬提出話想試埋個水牛城雞翼;有好野食，我地緊係唔會say no啦!
6隻雞翼好快就上碟啦！同我想像中有啲唔同，我原本以為雞翼會充滿牛油味，點知原來係帶有少少香辣，呢個都算係個小驚喜呀!
不得不提，因為我地係跟餐叫呢款小食，所以可以減20蚊--我真心覺得幾抵。
如果我下次再黎佐敦，一定都要再黎呢間Bigger Burger試下呀！
張貼
