龍鳳祥餃子館 (裝修中)

係佐敦好想食煎餃子，上網睇下搵到呢間，地點幾就腳，門口有d明星相甘，就入去試下，點知，伏。韮菜煎餃外型-餃子細細隻，一d都唔飽滿，角位摺得死實，外型已經唔討好。味道-韮菜一d都唔香，肉碎搞到變曬肉抹甘，完全無咬口，成隻餃一d鮮味都無，加上非常多油，但多油得黎，皮又唔脆，成隻餃淨係食到一口油同"up"味。口水雞外型-上台望個樣還好，雞上面鋪左d腰果，芫荽，大量花椒碎，亦好大碟。味道-雞肉非常非常鞋，無雞味，紅油好多，但無辣味，花椒碎好多，但亦食唔出有麻辣香，腰果"林"既，似係擺左非常耐時間，又無再處理過就拿幾粒係面，完全毫無生氣。成餐飯，最好算係個凍豆漿，起碼叫交黎最正常。食完成餐 ，非常失望