Plato Cafe & Bistro (吳松街)

今日同朋友相約係佐敦哩間Plato Cafe & Bistro短聚。哩到環境同食物質素都唔錯，難怪平日七點都未夠人流都咁多。水牛城雞翼都係第一次食。雞翼外皮好脆好香口，加埋上面微辣既醬汁，令人好開胃食唔停口。之後哩款西班牙辣肉腸薄餅，又係令人一試回味。薄餅底雖然唔係超級厚底，但咬落脆口之餘，又不乏薄餅底既質感。芝士同辣肉腸餡料份量十足，啖啖芝士啖啖腸👍🏼。火箭菜苦苦地既味道，可以中和返芝士油膩感。Set dinner 就揀左炭燒bbq豬仔骨配薯條🍟。餐湯粟米忌廉湯質感稀左些少，不過味道都唔錯，好香粟米味道，甜甜地。如果想轉飲龍蝦湯只要加$18就可以，諗返其實都幾抵，下次可以試下。炭燒豬仔骨實物同圖真係好大出入，真實份量係非常大份。成排豬肋骨上碟，講真一個人真係食唔哂，同朋友兩個share就岩岩好。調味方面出色，味道唔會太濃，少少甜，少少炭燒香味👍🏼👍🏼👍🏼。芒果草莓茶聞落好香草莓味🍓，不過就茶味重啲，無糖。適合健康一族。