Plato Cafe & Bistro (吳松街)

星期六同老公黎佐敦食晚餐，之前食過油麻地個間，今次食佐敦呢間。晚市套餐包左是日餐湯、自家製餐包、餐飲。是日餐湯係雜菜忌廉湯，忌廉湯唔會結成一塊塊，呢點幾好，而且好夠熱。自家製餐包好好食，非常鬆軟，甜甜地，好想可以無限refill，哈哈。北海道帶子黑松露意大利飯意大利飯偏軟身，黑椒味頗出，都幾creamy，但又唔會膩。西班牙海鮮飯用鐵鍋呈上，海鮮有蝦、魷魚、青口、帶子，個飯有啲似食緊湯飯，幾得意。伯爵茶麻糬蛋卷跟晚市套餐加$38就食到，擺盤好有心機，有聖誕既感覺，伯爵茶味頗出，麻糬又軟熟。餐飲叫左熱英式奶茶同熱意大利即磨咖啡。