佐楽 (已結業)

平日四圍行的我，對銅鑼灣非常之熟，但講到食日本菜，我唔敢認地膽，今日拜托日本人朋友帶路，覍食到一間日本人老闆日本人主廚開的佐賀食材烹割料理店午膳，非常滿意。首先價錢適中，百幾二百幾午餐食日本菜正路，招牌佐賀食材有和牛、水魚、三瀨雞。免費前菜健康美味今午先小試牛刀，點了佐楽名物 免治雞肉串，肉質鬆軟味道濃郁，配合生雞蛋非常夾，令口感更多汁滑溜。聞到燒肉香，見到燒鰻魚，門口有炭爐，師傅更親自燒烤，搵食要觀察入微，所以點了鰻魚丼御膳，即點即燒，沒有放涼，上菜快，效果果然好，惹味豐富。