築間幸福鍋物

15分鐘只可以落一次單，我地6個人叫左5份牛，最後只黎一碟，咁我地就以為冇落到/落幾多都係只會黎一碟啦所以我地就追問員工有冇落單。員工話依家係繁忙時間，出唔切，所以叫我地時間一到就再叫。首先澄清返啦，成間野係得7枱人架咋，佢地竟然話係繁忙時間，叫人加湯叫左幾次都冇加，追佢加，佢明明著住制服但同我講佢收左工架喇叫我搵第二個，最後咩人都搵唔到，湯係自己加既。咁我地一直冇野黎，食唔飽咪再叫囉。結果到最後得返20分鐘唔夠佢突然一次上好多碟，搞到我地最後食唔哂，個金髮眼鏡女店員竟然話食剩每100g要收200蚊。我同佢解釋返件事佢唔聽，仲要態度超級差想唔比我地走咁，我就問返佢依家係咪報警先解決到，佢竟然叫我報，話自己去叫店長。結果最後真係報左警，個店長先聽完件事道歉話岩岩轉放題冇幾耐唔知會咁，自己員工培訓冇做好， 又話個金髮眼鏡女店員岩岩出黎做野唔識只係識跟公司規矩，但係真係勁癲囉明明係間野自己錯，仲要唔聽人解釋又態度差到爆。其實都唔止係我地咁，隔離枱5個男仔叫完牛都係唔黎，聽到佢地傾緊一陣去食m記，有個男仔仲慘到話自己冇食因為得幾塊唔夠分唔好意思食。真係唔明係放題定乞食，自己d野唔黎怪個客叫野，