影片
更多
2024-05-19
2744 瀏覽
佛誕同👦🏻細細去食素自助餐，前一日打電話去中環無肉食訂位，假日午餐都係$99，冇加一，用餐時間有75分鐘，都可以食到好幾轉。食物方面有前菜、粉麵飯、炸物、小菜、湯、糖水、生果同羅漢果水等，而且會轉款出新嘢，選擇都幾多，同埋食物係refill得好快，每次出去都會有新款嘢食。前菜種類好多，食落好開胃，推介麻辣珊瑚藻同麻辣雲耳，👦🏻就最鍾意個綠色青瓜🥒冷麵。小菜係最經常轉款，唔同蔬菜、瓜類，各式煮法，番茄炒蛋同腸粉好好食，據聞有個乾炒河都好好味，不過得返啲碎濕濕我冇拎到，再之後就出咗豉油王炒麵，都好食👍🏼。炸物係重點推介🌟，炸粟米同炸椰菜花有驚喜，唔乾之餘仲幾juicy，忍唔住要encore😋！另外炸物上面仲有啲類似七味粉，所以食落好惹味，食咗好多都冇喉嚨痛🤪。水果有原條蕉任食，啲橙全部都又大又甜又多汁，仲有西瓜🍉，最估唔到係哈密瓜🍈都有。印象中呢度係冇特別啲花巧素食，即係冇素鵝、素叉燒、素壽司呢啲，所有食物基本上一睇就知用咩材料，亦都有蛋奶素同用五辛。另外就係食完唔會有人收碟同餐具，需要自己將廚餘同用具分類擺好。無肉食係有比較多分店嘅素食自助餐，價值都算合理，性價比都算高，不過👦🏻係食肉獸
前一日打電話去中環無肉食訂位，
假日午餐都係$99，冇加一，
用餐時間有75分鐘，都可以食到好幾轉。
食物方面有前菜、粉麵飯、
炸物、小菜、湯、糖水、生果同羅漢果水等，
而且會轉款出新嘢，選擇都幾多，
同埋食物係refill得好快，
每次出去都會有新款嘢食。
前菜種類好多，食落好開胃，
推介麻辣珊瑚藻同麻辣雲耳，
👦🏻就最鍾意個綠色青瓜🥒冷麵。
小菜係最經常轉款，
唔同蔬菜、瓜類，各式煮法，
番茄炒蛋同腸粉好好食，
據聞有個乾炒河都好好味，
不過得返啲碎濕濕我冇拎到，
再之後就出咗豉油王炒麵，都好食👍🏼。
炸物係重點推介🌟，
炸粟米同炸椰菜花有驚喜，
唔乾之餘仲幾juicy，忍唔住要encore😋！
另外炸物上面仲有啲類似七味粉，
所以食落好惹味，
食咗好多都冇喉嚨痛🤪。
水果有原條蕉任食，
啲橙全部都又大又甜又多汁，
仲有西瓜🍉，最估唔到係哈密瓜🍈都有。
印象中呢度係冇特別啲花巧素食，
即係冇素鵝、素叉燒、素壽司呢啲，
所有食物基本上一睇就知用咩材料，
亦都有蛋奶素同用五辛。
另外就係食完唔會有人收碟同餐具，
需要自己將廚餘同用具分類擺好。
無肉食係有比較多分店嘅素食自助餐，
價值都算合理，性價比都算高，
不過👦🏻係食肉獸，之前同佢食過素，
有啲素肉同埋花巧嘢佢就食得好啲，
例如素咕嚕肉、素壽司呢啲，
今次佢就食得比較少啦😅。
張貼
