影片
更多
2007-12-20
6 瀏覽
因為睇o左樓下網友們寫o既食評，即刻挑起o左條筋。馬上安排星期六o黎個午餐先。中午未夠1點入到去，得一客。一心食吉列豬扒定食，唔使諗唔使煩。太太叫o左客魚生飯定食。定食包一碗烏冬，好少響街食烏冬，印象中只係專登去過北角食手打烏冬，係比較好味。呢度o既烏冬好煙韌，湯好清，正！正主兒出場：吉列豬扒真係勁正！面層好薄好脆，內層豬肉卻係多汁兼保存到肉味，最重要唔會油淋淋。第一啖食落好似食緊脆皮燒肉咁…唔講得笑！魚生飯o的魚生好新鮮，味道鮮美，份量亦充足，掂。餐包雪糕或飲品，結果揀o左雲呢拿雪糕，雖然有冰粒，但整體都算幾滑，仲有o的雲呢拿子響面，係咪高檔o的？樓面乾淨企理，服務欣勤，價錢略貴但值得！
中午未夠1點入到去，得一客。
一心食吉列豬扒定食，唔使諗唔使煩。太太叫o左客魚生飯定食。
定食包一碗烏冬，好少響街食烏冬，印象中只係專登去過北角食手打烏冬，係比較好味。呢度o既烏冬好煙韌，湯好清，正！
正主兒出場：吉列豬扒真係勁正！面層好薄好脆，內層豬肉卻係多汁兼保存到肉味，最重要唔會油淋淋。第一啖食落好似食緊脆皮燒肉咁…唔講得笑！
魚生飯o的魚生好新鮮，味道鮮美，份量亦充足，掂。
餐包雪糕或飲品，結果揀o左雲呢拿雪糕，雖然有冰粒，但整體都算幾滑，仲有o的雲呢拿子響面，係咪高檔o的？
樓面乾淨企理，服務欣勤，價錢略貴但值得！
張貼
