影片
更多
2013-08-09
572 瀏覽
因為有同事離開，所以公司齊齊同佢搞Farewell，因為都有差唔多廿幾個人，所以我哋經已一早等位，不過準時到達都要等左成三四個字。入座後店員好親切咁即刻先放底一盤唔算太多嘅刺身比我哋（因為我哋太多所以有兩盤），應該係比我哋一開頭點野落單個時食，個人嚟話係香港都係第一次遇到，算係一個幾親切嘅設定，值得加分。去食日式放題梗係要點啲開胃小食先，我就要咗個日式茶碗蒸，上面有幾粒飛魚子，老實咁少真係吊唔到咩味，不過啲蛋湯味幾濃，算係幾好食。之後梗係要食刺身，因為我哋咁多人所以數量都落得都幾多下，不過當然佢唔會理我哋，加上佢哋好似無巨型器皿，所以一多款式就每樣都好少。講翻質量，D刺身睇過就幾靚，但一食真係不外如是，無鮮味可言，雖然都食得出我食緊嘅係咩魚，不過就真係無咩味道可言，仲有少少雪味。話明一壽司，嚟到無理由唔試壽司，點知一睇，竟然連常見嘅「花之戀」都無，款式都比較少，最多就係火炙壽司，真係叫人情何以憾。不過整體上都算合格，比刺身好，不過當然同平時嘅手握壽司無得比啦，飯完全無醋香。不過最「驚喜」嘅，就係熟食款式數量比日式食品多得多，不過絕大部份味道都......相當強差人意.....真係雷味甚
入座後店員好親切咁即刻先放底一盤唔算太多嘅刺身比我哋（因為我哋太多所以有兩盤），應該係比我哋一開頭點野落單個時食，個人嚟話係香港都係第一次遇到，算係一個幾親切嘅設定，值得加分。
去食日式放題梗係要點啲開胃小食先，我就要咗個日式茶碗蒸，上面有幾粒飛魚子，老實咁少真係吊唔到咩味，不過啲蛋湯味幾濃，算係幾好食。
之後梗係要食刺身，因為我哋咁多人所以數量都落得都幾多下，不過當然佢唔會理我哋，加上佢哋好似無巨型器皿，所以一多款式就每樣都好少。講翻質量，D刺身睇過就幾靚，但一食真係不外如是，無鮮味可言，雖然都食得出我食緊嘅係咩魚，不過就真係無咩味道可言，仲有少少雪味。
話明一壽司，嚟到無理由唔試壽司，點知一睇，竟然連常見嘅「花之戀」都無，款式都比較少，最多就係火炙壽司，真係叫人情何以憾。不過整體上都算合格，比刺身好，不過當然同平時嘅手握壽司無得比啦，飯完全無醋香。
不過最「驚喜」嘅，就係熟食款式數量比日式食品多得多，不過絕大部份味道都......相當強差人意.....真係雷味甚濃......
三文魚係唔少香港人至愛，我哋班同事唔少都係其中一份子，經過咁多次落20嚟5後，我哋決定單點一款，咁就可以「大量入手」！而且質量都有所提升！
因為禽獸太多都影唔到太多相，但一般放題嘅佢都有，但款式真係唔算特別多/出眾，絕對唔值呢個價錢，到底仲點承繼一壽司呢個名？我就唔會再有下次，你呢？
張貼
