武吉士 (九龍貿易中心)

營業中

休息中

今日咁岩有野要拎，所以就weekend 黎到左葵涌工業區。拎完野就響呢區搵食，咁岩望到呢間餐廳環境都幾舒服，店員都帶住笑容。由於都未到食飯既高峰時間，店員姐姐叫我可以隨便揀位坐。我一個人可以坐哂成個卡位。😝一坐低見到餐牌都算多選擇，最後經過左一番選擇困難症既時段，最後決定左揀佢既海南雞套餐。我已經叫左少飯，但飯量同雞件都唔少。🙈D雞件都幾滑幾多肉，個油飯都幾好食，仲要有碟菜同埋有碗湯。我覺得佢個價錢黎講都幾抵食。當我食到中途慢慢都開始漸漸咁出現左食飯既人群，當我出去去埋單，竟然發現仲有八折。😉