影片
更多
2022-01-06
1621 瀏覽
📍 𝐏𝐢𝐞𝐫 𝟏𝟗𝟐𝟗我終於食到呢間下午茶啦‼️點解佢開業咁耐而家先去？之前啱啱開嘅時候超級多人預約，網上面亦都有唔同嘅評價，近來好似比之前容易book咗，所以新一年我就去嚐一嚐😆餐廳會定期轉新嘅下午茶Menu，每一個月嘅三層下午茶架都有唔同嘅佈置😋大家預約之前可以睇吓💖。我自己認為灣仔碼頭呢個地方比較格攝，如果唔識路嘅朋友要預早啲時間⏰今日我係預約咗12:00食一個早鳥下午茶☕️，呢個時段餐廳冇咩太多嘅人客，侍應招呼非常周到👍🏻為我哋安排咗窗口梳化位置🥰坐底後已經同我哋講食材已經準備緊，好快手就已經拎咗杯香檳俾我哋飲🥂咁啱又係我鍾意嘅粉紅色😆太美了‼️唯一唔好處就係餐廳冷氣好大🥶叫咗壺茶好快就已經凍哂❄️𝐅𝐨𝐥𝐨𝐰𝐞𝐫𝐲 𝐖𝐢𝐧𝐭𝐞𝐫 三層架下午茶🫖 $598+1 for 2呢個下午茶特別在於有三個甜點三個鹹點可以無限refill‼️甜點:聖誕雜錦紅莓慕絲蛋糕🍓有閃閃嘅雪花❄️朱古力裝飾，呢個慕絲蛋糕酸酸甜甜其實都幾開胃。開心果聖誕樹蛋糕🍰個人認為呢個開心果聖誕樹陣味蛋糕好奇怪🤔，不過形狀好得意真係成棵聖誕樹咁🎄，用作打卡都唔錯。威士忌酒心朱古力撻🍫🍺濃濃嘅威士忌味，平時唔係咁喜歡飲酒，我以為呢
我終於食到呢間下午茶啦‼️點解佢開業咁耐而家先去？之前啱啱開嘅時候超級多人預約，網上面亦都有唔同嘅評價，近來好似比之前容易book咗，所以新一年我就去嚐一嚐😆餐廳會定期轉新嘅下午茶Menu，每一個月嘅三層下午茶架都有唔同嘅佈置😋大家預約之前可以睇吓💖。我自己認為灣仔碼頭呢個地方比較格攝，如果唔識路嘅朋友要預早啲時間⏰
今日我係預約咗12:00食一個早鳥下午茶☕️，呢個時段餐廳冇咩太多嘅人客，侍應招呼非常周到👍🏻為我哋安排咗窗口梳化位置🥰坐底後已經同我哋講食材已經準備緊，好快手就已經拎咗杯香檳俾我哋飲🥂咁啱又係我鍾意嘅粉紅色😆太美了‼️唯一唔好處就係餐廳冷氣好大🥶叫咗壺茶好快就已經凍哂❄️
𝐅𝐨𝐥𝐨𝐰𝐞𝐫𝐲 𝐖𝐢𝐧𝐭𝐞𝐫 三層架下午茶🫖 $598+1 for 2
呢個下午茶特別在於有三個甜點三個鹹點可以無限refill‼️
甜點:
聖誕雜錦紅莓慕絲蛋糕🍓
有閃閃嘅雪花❄️朱古力裝飾，呢個慕絲蛋糕酸酸甜甜其實都幾開胃。
開心果聖誕樹蛋糕🍰
個人認為呢個開心果聖誕樹陣味蛋糕好奇怪🤔，不過形狀好得意真係成棵聖誕樹咁🎄，用作打卡都唔錯。
威士忌酒心朱古力撻🍫
🍺濃濃嘅威士忌味，平時唔係咁喜歡飲酒，我以為呢嚿朱古力撻會偏苦，誰不知竟然咁好食🤭
冧酒忌廉栗子批🌰(可以無限Refill)
唔係太食到栗子味😵💫，冇意欲想Refill。
水滴柚子芝士蛋糕🧀(可以無限Refill)
柚子味好重👍🏻餅底亦都好脆好香牛油味。不過自己唔係太鍾意食芝士蛋糕所以就冇再嗌多份🤭
英式提子鬆餅配果醬🍞 (可以無限Refill)
正正方方嘅鬆餅，配左Wipping Cream同埋一小樽草莓果醬🍓。Wipping Cream味道暫時係我覺得食過最好味嘅👍🏻👍🏻👍🏻，可惜鬆餅已經去到常溫，如果熱啲我諗應該會更加好食☹️
鹹點:
菠蘿莎莎煙火雞撻🍍
本身其實都幾期待可以食到火雞肉，但係火雞肉嘅味道唔係太出，好似打咗蓉咁❓唔係太食到，但係覺得幾特別👍🏻
水蜜桃龍蝦沙律法式奶油多士🍑
呢個最好食‼️‼️‼️水蜜桃嘅甜味同龍蝦超級配，簡直就係Perfect Match🦞，如果呢個多士有得Refill就好啦😭😭
照燒汁鹹牛脷洋蔥酥皮撻🐂
佢嘅賣相唔係特別好討好，初頭覺得佢平平無奇，，第一啖嘅感覺上好似食緊叉燒包咁，覺得都唔錯。食到最後牛脷嘅味道唔係好接受得到🥺
蟹肉沙律墨西哥脆餅🦀(可以無限Refill)
呢個都勁好味😋我同男朋友差唔多甜食咗起碼有10舊🤣墨西哥嘅脆餅好似一嚿薯片咁樣，脆卜卜😍😍😍蟹肉就同洗講啦，非常正😆
黑松露蘑菇多士🍄 (可以無限Refill)
黑松露嘅味道好重，我同男朋友都嗌多左4件，不過Refill嘅呢4件多士都有少少淋，冇第一舊咁好食🥲
迷你酥皮菠菜批🥧(可以無限Refill)
酥皮嘅層次好多識落都幾好味，菠菜味好香好出😚所以我哋都嗌多咗4件
🫖飲品我哋就叫咗Earl Grey Congou同Ice MoCha
☕️Earl Grey Congou嘅Earl Grey味道唔太重，飲落好似飲緊Temple加水嘅味🤦🏻♀️，之後問店員攞咗少少鮮奶，佢仲另外俾埋砂糖粒同埋咖啡糖粒比我👍🏻先至叫做味道好返少少🤏🏻建議大家可以叫其他嘅茶😵💫同埋呢壺茶職員有幫我哋添水，但由於冷氣有啲凍嘅關係所以好快就吹到凍曬🥺
Ice Mocha就正常發揮，不過唔知係咪佢哋裝嘅時候漏到瀉咗，放上張枱度嘅時候令到張枱同杯邊都有少少污糟🥺
總結兩個人食得超級飽，如果俾我哋再食一次我哋應該會瘋狂咁樣refill蟹肉沙律墨西哥脆餅🤣因為真係幾好食😍
評分時間❣️ (最多五顆星，如不推薦會打交叉）
食物質素⭐️⭐️⭐️⭐️
環境⭐️⭐️⭐️⭐️⭐️
服務質素⭐️⭐️⭐️⭐️⭐️
價錢💸:埋單$658
餐廳資料📋: Pier 1929
🕌地址: 灣仔灣仔碼頭2樓
張貼
