華星客棧 (已結業)

某日夜晚六點幾，練波前同朋友想食少少野，見到華星，諗住入去叫少少野食，一入到去個侍應話：「有小菜食喎！」跟住另一侍應就幫我地帶位，我就問一問：「依家有常餐架河？」佢答：「冇喇喎，得小菜。」我地唔想食咁多，所以決定另外搵野食，轉頭走。點知一開始個侍應見我地走，就勁大聲，用勁差嘅態度話：「頭先咪同你講得小菜囉，依家啲人真係！」大佬呀，你話有小菜咋喎，係咪等於得返小菜可以叫呀？同埋啲態度駛唔駛咁差呀？以後經過都唔會食，永遠都唔會！