翡翠拉麵小籠包 (已搬遷) 新店位置

話說小妹最近心火盛，生左粒大飛滋，所以今晚要食得清淡d，所以就同水水去左世貿的翡翠拉麵。雖然好耐冇食過，但係食物水準保持得幾好。門口依然有好多人排隊，但係只得水水同我倆個，所以比較容易搵位。我地叫左一客小籠包，雞湯麵一碗，雞絲粉皮同埋清炒豆苗。雞絲粉皮是令我最有驚喜的一味菜式，芝麻味很濃，而且雞肉肉質不會太老，造得相當不俗!清清淡淡的一餐，但係都食得好滿足，最後要一讚，佢地上菜夠快，而且食物夠熱，最啱肚餓鬼的我!!