饗和民 (萬宜大廈)

營業中

休息中

朋友lunch一齊嚟食和民，平日lunch time真係要等好多人嘅，我哋事前用app嗰度撳咗飛，但都係去到要等，特別係過左十二點半之後就真係要好耐啦。唔出聲叫咗我最鍾意嘅壽喜燒 ，佢嘅牛肉唔多，另外仲有隻生雞蛋可以畀你放落去嘅。嗰餐係有得揀配烏冬定係飯嘅，我就揀咗烏冬，最like烏冬煮耐左吸曬嗰啲汁嘅味。跟餐仲有一個細細哋嘅沙律。後面你見到一團白色嘅丸子會啲紅豆蓉係甜品。唔少得嘅仲有麵豉湯。跟餐雖然有湯，但另外仲包一個嘢飲嘅，而且有少少特色嘢飲嗰啲柚子蜜呀之類呀，都係唔使加錢嘅。overall我覺得依然保持水準，唔係超好食，但係呢一個味道品質同價錢，係中環真係已經好抵。