壹食就醉

營業中

休息中

本人覺得呢間位於尖沙咀嘅中菜小菜都幾有特色而且比我想像中嘅味道好，我哋分別叫咗以下幾款小菜 : 椒絲腐乳通菜通菜非常鮮，椒絲同腐乳配料都好足夠，夠惹味。薑蔥爆順德鯇魚腩魚腩每一件都非常肥美，用薑蔥爆得好香，每一件魚腩都很鮮甜入味。沙嗲金菇肥牛煲沙嗲味道很濃郁，金菇夠晒林同埋入味，再配埋新鮮嘅肥牛，呢個肥牛煲送白飯一流。薑蔥霸王雞用薑蔥爆嘅雞真係好好味，每一件雞都很嫩滑，用左特製嘅豉油，再配埋新鮮嫩滑既雞一齊食，返而好滋味。XO醬爆花枝片花枝片份量都算多，再用埋XO醬黎煮，小小辣嘅味道都幾開胃，而且花枝片鮮味十足，值得一試。整體來說，各款小菜都算唔錯嘅質素，位於尖沙咀當然屬於便宜又抵食嘅晚飯啦。