康記菜館 (已結業)

几個朋友仔去長洲掃街郊遊，入夜 又攰, 又費時等，求其一間菜館有位食海鮮就上嘞! 點知就係甘中左伏 添……"康記菜館", 一般大排檔格調款式既海鮮中菜館。我地七個人坐張大圓枱, 睇左餐牌後，揀選左個抵食海鮮餐，六款海鮮加精美小菜及油菜各一款都係$408, 好鬼平價價 ，但一分錢一分貨，下次都係米制……上菜都几快 ，等一陣姐就有得食……嘩 碟碟超迷你啊！1.白灼海生蝦 : 得果几隻蝦，完全無味唔新鮮。2.薑蔥炒肉蟹 : 無咩肉食。3.椒鹽鮮魷 : 炸得香脆有囗。4.蒜茸篜扇貝 : 扇貝唔鮮甜，配料味淡。5.鼓椒炒聖子 : 一d獲氣都無, 無咩鼓椒味又唔辣，聖子仲好淡囗，完全零爽甜。6.清篜海上鮮 : 最好係呢碟白䱽魚，雖然細條，但起碼魚肉新鮮。小菜西檸雞 : 炸雞塊屬於中規中矩。蒜茸炒白莱仔 : 炒得夠香甜。我地另外order左碟蝦醬炒飯 ，唔鹹剛好，飯比較亁身左d。老實講，呢餐海鮮餐平就平嘞，但唔夠飽兼水準奇差，衰過茶餐廳，所以話呢~便宜莫貪！