影片
更多
2018-11-10
1957 瀏覽
珍珠奶茶梳乎厘 $68今次係我第二次食珍奶味梳乎厘pancake 兩次既經驗都幾唔錯首先最搶鏡又係珍珠珍珠珍珠 重覆三次因為真係好食同足料 煙煙韌韌口感好 珍珠潮又足夠連埋梳乎厘一齊食到尾梳乎厘分兩塊 連埋珍珠奶茶口味既醬其實都唔少野 奶茶味醬比較重口味 為左視覺效果餐廳將較多既醬集中放係其中一塊梳乎厘面 我會掃勻去兩塊度食 咁就剛剛好 無過甜又唔會過漏呢份產品係餐牌上有手指公 我覺得都值得讚好既 整體珍珠同奶茶醬同梳乎厘配搭幾適合 有加乘原味梳乎厘 $58通常食梳乎厘pancake我都會試原味先 今次同時食珠珠奶茶味同原味 有比較之下我會推薦後者原味梳乎厘無跟醬 梳乎厘面就跟左塊燒過既焦糖同埋砂糖 相比餐牌其他梳乎厘選擇會無咁重口味 雖然稍為乾身 不過就會無咁膩 pancake幾挺身 唔係空氣感果類 由於光線暗花多左時間影相 食果陣已經凍左 >< 由於整法同口感唔係我杯茶 加上另一份珍珠奶茶味雖然貴少少 不過份量用料都勝過呢份 所以建議大家試左餐廳推介讚好果啲產品先珍珠奶茶梳乎厘果凍 $42是日珍珠奶茶日 先黎一份未見過既創意新品珍奶梳乎厘果凍美好年代既珍珠令我印象非
珍珠奶茶梳乎厘 $68今次係我第二次食珍奶味梳乎厘pancake 兩次既經驗都幾唔錯
首先最搶鏡又係珍珠珍珠珍珠 重覆三次因為真係好食同足料 煙煙韌韌口感好 珍珠潮又足夠連埋梳乎厘一齊食到尾
梳乎厘分兩塊 連埋珍珠奶茶口味既醬其實都唔少野 奶茶味醬比較重口味 為左視覺效果餐廳將較多既醬集中放係其中一塊梳乎厘面 我會掃勻去兩塊度食 咁就剛剛好 無過甜又唔會過漏
呢份產品係餐牌上有手指公 我覺得都值得讚好既 整體珍珠同奶茶醬同梳乎厘配搭幾適合 有加乘
原味梳乎厘 $58通常食梳乎厘pancake我都會試原味先 今次同時食珠珠奶茶味同原味 有比較之下我會推薦後者
原味梳乎厘無跟醬 梳乎厘面就跟左塊燒過既焦糖同埋砂糖 相比餐牌其他梳乎厘選擇會無咁重口味 雖然稍為乾身 不過就會無咁膩 pancake幾挺身 唔係空氣感果類 由於光線暗花多左時間影相 食果陣已經凍左 ><
由於整法同口感唔係我杯茶 加上另一份珍珠奶茶味雖然貴少少 不過份量用料都勝過呢份 所以建議大家試左餐廳推介讚好果啲產品先
珍珠奶茶梳乎厘果凍 $42是日珍珠奶茶日 先黎一份未見過既創意新品珍奶梳乎厘果凍
美好年代既珍珠令我印象非常深刻 大粒飽滿有咬口 有留意開我ig都知我算飲過唔少珍奶 呢度既珍珠質素係當中都可以排得上號
然後就係梳乎厘層同底下既果凍 疏乎厘幾堅挺 唔係某啲梳乎厘pancake果種空氣感 我係連珍珠或者果凍一齊食 珍珠好食又夠多 果凍都幾有奶茶味 最緊要又夠凍 所以都覺得唔錯
份果凍睇落唔大杯 食落覺得其實份量剛剛好 綜合創意同質素可以一戰 無記錯都係餐廳推介產品之一
烤布蕾波波茶 $34
.
哩間鋪開黎香港其實有d期待 因為聽講台灣都要排長龍🤣但我星期六去唔使排隊都有位坐 可能太新未有人知呱🤣
.
作為黑糖珍珠鮮奶既粉絲 當然要試下哩個齊集烤布蕾 奶蓋 鮮奶 黑糖珍珠於一身既台式飲品會係點樣☺️因為睇左好多review大家都麻麻地 所以原本飲我都有心理準備😂點知飲落好岩我口味 成為左我心目中既top 3☺️☺️☺️
.
點解我會覺得好飲 因為唔甜又重奶味又係厚鮮奶質感 黑糖味又唔會太over 即係太甜 珍珠又好食囉☺️☺️ 我覺得真係唔錯 又奶到面層既creme brûlée 然後又有芝士奶蓋溝鮮奶 黑糖珍珠又夠彈牙又夠咬口 然後又有黑糖香味 重點係佢唔甜 岩我哩d怕甜既中女🤣不過如果你追求黑糖既甜味 可能哩杯野會唔岩你 因為佢係奶味濃滑 遮蓋左少少黑糖既甜味 不過我本身愛上飲黑糖鮮奶都係因為飲厚奶溝甜黑糖珍珠既感覺 唔中意成杯都係黑糖甜味但奶味俾冰溝淡左變奶水🤣🤣🤣
.
哩杯野都幾溜下 飲完我已經飽左🤷🏻♀️🤷🏻♀️🤷🏻♀️希望下次飲都保持到哩個水準
張貼
