和平飯店 (V Walk) (已結業)

🥢🥢久違了嘅和平飯店，今次四人同行，可以揀多幾個餸，好豐富嘅一餐。由於預早book咗枱嘅關係，唔使等就可以直入。🦆🦆樟茶煙燻鴨味道好香，帶有陣陣煙燻同茶味，配合軟綿綿嘅荷葉餅，有食片皮鴨嘅感覺。🦐🦐極度邪惡嘅黃金大蝦，鹹蛋味都好濃，反而蝦嘅質地入口較為硬身，扣咗少少分。小籠包保持一貫水準，皮薄肉質鮮嫩多汁，唔錯。🌶🌶涼拌皮蛋帶少少麻辣，作為開胃小食一流。醉雞同鎮江肴肉都保持水準，大滿足嘅一餐。