baby café (已結業)

去過baby cafe幾次，感覺都唔錯，環境同食物質素以佢既價錢黎講, 係唔錯既。是夜叫了一個綠茶焗龍利柳，前菜係鴨胸沙律。佢個牛角飽其實都幾香口, 比出面食到既餐飽要好食。綠茶焗龍利柳：一上台都幾特別，鐵板上既，上面有一張紙包住焗。紙裡面有啲湯汁，有龍利柳，茄子同菇。聞起黎好香，食唔到綠茶味，只能講幾特別。龍利柳就鞋身，都唔錯既。鴨胸沙律：菜都幾新鮮，係啲汁太多，濃味過頭，如果唔係都幾好食。