康橋廳

營業中

休息中

同同事星期六打完波就嚟到附近康橋廳飲茶。康橋廳飲菜都幾出名下，之前都有幾次打完波嚟嚟飲過茶。今次4個人嚟飲嗌咗7樣嘢食到，有飯,上湯菜,蝦餃,燒賣,鳳爪,牛肉球,叉燒酥,腸粉。燒賣同出邊嘅茶樓比真係好食好多，個樣望落都精緻啲，用料豐富，而且唔會太乾。蝦餃都係保持到水準，鳳爪就普普通通冇咩特別，個人最鍾意係叉燒酥，一上個陣仲好熱酥皮咬落好鬆化，擺咗陣食都仲係熱，個酥皮鬆化度都係一樣，真係即叫即整。牛肉球我食就冇咩特別，但有同事唔鍾意食芫荽，佢就話個芫荽味唔重食落都唔錯，所以如果唔鍾意芫荽味但想食牛肉球嘅人都可以嗌嚟食。整體環境都坐舒服，食物水準保持得唔錯，但唔知係咪太少侍應，好多時想搵人幫手都冇人，連埋單舉咗好耐手都冇人理。