檸檬冰室 (葵興商場)

營業中

休息中

之前食過檸檬冰室 覺得好味又抵食，所以再嚟食午餐，依然都差不多爆滿，我哋叫咗2個餐加一個小食不用$200十分抵食同飽肚。鮑魚火腿絲撈一丁，撈一丁味道不太濃配點鮑魚汁最好，鮑魚幾彈牙，火腿勁多。配上有不少松露的炒蛋好香又滑身，丹麥多士牛油味十足好味。沒想到吉列豬扒沙律會份量十足，豬扒炸得香口但唔會好油身，啖啖肉好味。沙律差不多有2碗，而且十分新鮮。海南雞的雞肉幾嫩滑，配上少少醬汁已十分好味道，再配一碗大碗好香的香芧油飯，份量多到最後油飯吃不完。飲品叫了凍檸檬茶，茶味都濃檸檬夠酸。必叫的蛋白杏仁茶當然沒錯過，朋友識過都讚好，好香杏仁又滑，濃濃蛋白味正。