景霖正宗四川麻辣米線 (已結業)

好鐘意食米線既我，好鍾意周圍食酸辣米線，今次依間低食又好味！店內大約有8-10張枱，人來人往，經常坐滿人，由其下午茶時段，係幾底，仲有豆漿送架。之前食過佢既新疆香烤雞翼 and 四川麻辣雞翼，超好味！ 不過雞翼size 愈嚟愈細仔隻。我今次係夜晚嚟食， 叫左個魚腐酸辣米線，我叫中辣！餸菜方面，有成30款比你揀，包你揀到你鐘意！麵底有好多款揀，米粉/米線/河粉/粗幼麵，仲有魚麵或紅薯粉。 我聽見好多人都叫魚麵。 湯底方面， 有清湯、酸辣和麻辣。照樣都係有BB辣/微小中大辣 任你揀。無論你叫咩麵，每碗麵都會有韭菜+腐竹+芽菜。韭菜好新鮮。我碗魚腐酸辣米線，湯底好味，叫酸辣湯底湯內有酸菜，酸度適中。 魚腐都吾算細粒， 有時在其他店食到既魚腐細粒到呢 ，不過只有3粒。