泰好味

營業中

休息中

約左幾個朋友出食聚聚，就簡左好左好多年既泰好味，今次四個男人食，飲埋啤酒，埋單一個人都係百幾蚊，認真抵食！泰式生蝦，蝦有6隻，size 就唔算係好大果款，中等水平，蝦肉就爽彈，唔會有腥味，加埋個泰式辣汁，真係唔夠喉，如果個辣汁再辣多少少就仲正！泰式鳳爪沙律，呢個係必點既，份量多，味道好，酸酸辣辣咁，好開胃，花生同腰果都係新鮮炸起，好脆口！冇骨鳳爪配埋酸辣汁同西芹食，好清新泰式椰菜苗，用辣椒，蒜頭， 麵豉去炒椰菜苗，味道幾好，椰菜苗係岩岩熟，咬落去仲有少少爽口黃咖哩雞，次次都會叫呢個餸，雞就好普通，係用雪藏雞扒去整，亦唔入味，叫呢個餸係要佢既咖哩汁配蒜蓉法包食，好食到我地叫左兩客法包蒜蓉法包食，好新鮮，到臺果陣仲係熱辣辣，好香牛油同蒜茸味，法包又焗得好脆口，配埋咖哩汁食真係一絕泰式金邊粉，呢個粉就正正常常，食得出有蕃茄醬味，蝦有3-4隻，食落都爽彈燒司華力腸，雞全翼，整黎黎講都燒得幾好，食物外皮有少少焦香，雞翼肉質都算嫩滑，加埋個自製沙嗲醬，不錯！