盛記粥麵

營業中

休息中

每次嚟佐敦，都會心思思想食盛記佢地既粥同雲吞麵，都非常出色除咗散叫之外，仲有套餐價錢一於叫碗粥，再加一款小食，咁就夠晒滿足啦😎北菇滑雞粥好大碗😌😌好多料！雞件真係做到滑溜口感，就算係雞胸位置，都唔會硬掘掘，非常抵讚👍🏼👍🏼個冬菇非常大隻，厚肉口感自然正啦！味道甜甜地，炆得好入味👍🏼👍🏼紅油鮮蝦雲吞非常推薦！鮮蝦雲吞真材實料，個皮夠滑，又唔會爛蓉蓉餡料豐富結實，啖啖爽口蝦肉，配埋佢哋調配嘅紅油，唔會太辣，認真滋味！招牌薏米水（熱）平時我食粥或者粉面，都好少嗌埋嘢飲，驚太飽，但見有熟客仔，盛讚依杯薏米水，一場嚟到，梗係試試啦😋😋又真係唔錯喎👍🏼👍🏼好多薏米，味道清甜，好飲又好食，心機野👍🏼👍🏼盛記越來越多熟客仔希望水準可以繼續保持住，咁大家就有口福喇！