影片
更多
2021-12-22
510 瀏覽
餐廳：NATURA : (灣仔)地址：灣仔菲林明道8號大同大廈地下1-2號舖呢間位於灣仔菲林明道嘅花藝café NATURA： @naturahk.official 喺今年4月開業，Café名除咗有自然、天意嘅意思(Natural)🌳，店名後嘅冒號亦寓意住想同客人展開對話🗣，做到有交流、開放、雙向嘅目的，希望客人感覺NATURA :喺一間有商有量、 願意溝通嘅餐廳老闆本身好鍾意保鮮花，同時有經營相關嘅店鋪，所以就用咗各式各樣嘅保鮮花嚟裝飾餐廳💐，Café每年仲會分開四季，每季用唔同嘅主題去佈置餐廳同設計返相應嘅Menu，而今季嘅新主題喺——「鯨落」🐳咁具環保概念嘅主題，餐廳期望帶出保育同提倡低碳生活，希望大眾能夠為保育鯨魚出一分力，畢竟鯨魚一生可以保存幾千棵樹嘅二氧化碳量，被形容為「陸地上嘅大樹🌴」，死後仲會成為深海魚嘅「食物」同「養分」，就算死咗都能夠成為深海海洋生態嘅一點祝福，而餐廳就希望用「鯨落」呢種祝福去帶比每一位食客✨睇吓餐廳嘅周圍😍，除咗枱上有小聖誕樹之外🎄，天花仲懸掛住用補鮮花同埋環保回收物料——舊CD💿、棄置膠杯蓋🥤、飲品杯碎片砌成嘅鯨魚同各種裝飾，靚得嚟仲相當有心思，
地址：灣仔菲林明道8號大同大廈地下1-2號舖
呢間位於灣仔菲林明道嘅花藝café NATURA： @naturahk.official 喺今年4月開業，Café名除咗有自然、天意嘅意思(Natural)🌳，店名後嘅冒號亦寓意住想同客人展開對話🗣，做到有交流、開放、雙向嘅目的，希望客人感覺NATURA :喺一間有商有量、 願意溝通嘅餐廳
老闆本身好鍾意保鮮花，同時有經營相關嘅店鋪，所以就用咗各式各樣嘅保鮮花嚟裝飾餐廳💐，Café每年仲會分開四季，每季用唔同嘅主題去佈置餐廳同設計返相應嘅Menu，而今季嘅新主題喺——「鯨落」🐳
咁具環保概念嘅主題，餐廳期望帶出保育同提倡低碳生活，希望大眾能夠為保育鯨魚出一分力，畢竟鯨魚一生可以保存幾千棵樹嘅二氧化碳量，被形容為「陸地上嘅大樹🌴」，死後仲會成為深海魚嘅「食物」同「養分」，就算死咗都能夠成為深海海洋生態嘅一點祝福，而餐廳就希望用「鯨落」呢種祝福去帶比每一位食客✨
睇吓餐廳嘅周圍😍，除咗枱上有小聖誕樹之外🎄，天花仲懸掛住用補鮮花同埋環保回收物料——舊CD💿、棄置膠杯蓋🥤、飲品杯碎片砌成嘅鯨魚同各種裝飾，靚得嚟仲相當有心思，吸引唔少人專登嚟打卡📸
餐廳設有最低消費，午市嚟食嘢每人最少要叫一個lunch set，食物相對健康，唔少以素食食材為主，最近仲推出咗全新嘅Winter Special Drinks⛄️，緊喺唔可以錯過啦😎
✝️牛油果羽衣甘藍沙律伴辣乳酪醬$98
用羽衣甘藍🥬、牛油果🥑、石榴、粟米🌽、是拉差醬、檸檬汁🍋、乳酪等去整成呢個沙律🥗，營養價值十分高👍，特別嘅除咗餐廳燒香過粟米再刨成一片片先加入沙律當中，有輕輕燒香味之餘仲食得較為方便，加入是拉差醬亦令沙律微辣開胃🌶，比起平時食嘅沙律更開胃更有新鮮感🤩，唔知你又鍾唔鍾意帶有啲辣嘅沙律呢？
✝️炸日本薩摩赤雞漢堡伴山葵蛋黃醬 $148
呢個漢堡用咗炸日本薩摩赤雞去整🐓，薩摩赤雞喺鬥雞嘅後代，肌肉發達、結實有彈性，加上天然充足嘅飼養環境🌤，令雞肉就算炸完之後食起上嚟都鮮美多汁💦，肉味香濃；
加上餐廳自己醃製嘅爽口蘿蔔、自家製蜂蜜山葵蛋黃醬、蔬菜同香脆烤麵包🥯，味道夾之餘仲好食到停唔到口🤤。另外有薯粒做配菜，口感比薯條豐富啲，望落都特別精緻😌
✝️生酮班尼迪克蛋 $108
生酮即喺大幅減少用糖份而增加蛋白質嘅使用去整一啲食物，呢個benedict egg就用咗新鮮水牛芝士、牛油果🥑、鮮蕃茄🍅去整，
面頭仲加咗啲蔬菜、食用花同杏仁碎片，啲碎片望落就好似飄雪咁，即刻加咗幾分聖誕氣氛❄️。切開蛋仲見到蛋黃半熟湧流出嚟，未食都已經流晒口水😋
✝️西多士脆條伴焦糖香蕉配桂花口味雪糕 $128
幾麵包蘸咗麥片再去炸成多士，加上杏仁片、開心果、藍莓🫐、士多啤梨🍓、石榴等，
成碟甜品望上去勁colorful🌈，仲附上煉奶同桂花雪糕🍨，將微溫嘅多士脆條蘸半融嘅桂花雪糕或者煉奶一齊食，甜得嚟唔會好溜，亦中和咗炸完之後嘅油膩感，當然唔少得焦糖香蕉啦🍌，對我來講有甜品嘅一餐真喺好滿足🥰
✝️茉以薑柔 $75
嚟自埃塞俄比亞古吉產區嘅水洗咖啡豆，仲加咗薑汁同用咗燕麥奶去調製，飲落起初有淡淡薑嘅香味，after taste帶有輕輕嘅茉莉花同柑橘香🌸，咁凍嘅天氣最啱飲嚟暖吓身😚
✝️肉桂紅糖燕麥拿鐵 $70
原來問真啲，餐廳支持低碳飲食所以餐牌唔會見到有牛或者牛奶元素嘅食物或者飲品，呢杯Latte同樣用燕麥奶去整，仲用咗保留天然蔗糖焦香而且甜度比白糖低，仲有暖胃作用嘅紅糖，最後灑上肉桂粉同附上一枝肉桂條，鍾意肉桂嘅朋友就最適合不過，而且呢兩杯飲品喺冬天期間定㗎☃️，要試就趁早喇😜
張貼
