東南亞特色美食

營業中

休息中

上環信德有好多都係連鎖餐廳，唔係貴就係唔抵食，茶記好少。但呢間在信德角落的茶記永遠都大排長龍，原因好簡單。因為食物質素高，食物種類多，上菜快，價錢相宜。😃今日早收工，5:45來到呢間茶記，都仲有TEA 食，就立刻叫左芝士咖哩雞扒撈丁。芝士舖滿成個麵，芝士加咖哩汁唔會太杰，撈丁份量剛則好，加埋杯凍OT，完美的下午茶。🤤朋友叫左芝士焗咖哩雞扒飯，其實賣相味道都一樣，只係變左飯，但由於呢個係常餐，所以要俾多十幾蚊🤨 知慳識儉的你識揀吧😝私心全日KING餐，蕃茄薯仔排骨螺絲粉都是我常點。上環返工的你可以一試。