Donkey & Sheep (已結業)

陽光普照嘅中午出左黎銅鑼灣行街，順便黎食埋個午餐先。同朋友黎左十三樓嘅西餐廳，望住成個銅鑼灣景，雖然好多高樓大廈，但個景都唔錯喎。坐低一陣，店員遞上軟糖一罐，雖然無食到，但望下都幾靚吖。是日餐湯，無試，朋友話幾香滑。是日沙律，沙律菜新鮮爽脆，但黑醋汁略微過酸了點。朋友點嘅鮑魚海膽意大利飯，西日cross over幾新穎喎，試左啲意大利飯，軟綿又重菇味，幾正喎。另一個點左雞扒配薯菜，厚燒雞扒肉嫩多汁，個皮煎得香脆。仲點左牛扒配意粉，牛味濃郁唔錯喎。自己點左魚柳配薯菜，蕃茄醬汁酸酸甜甜同魚柳幾夾，魚肉嫩滑，仲有兩大塊食得好滿足。再加左個冬蔭功薯仔，芝士加煙肉焗薯仔，再加左個冬蔭功汁，好特別又好味。紫露凝香嘅薰衣草花茶，好香薰衣草味。紅粉緋緋嘅玫瑰花茶，玫瑰花味濃郁。自己點嘅蘋水相逢，即係蘋果茶，甜甜香香好正。玫瑰咖啡，啡味濃得黎帶少少玫瑰花味。五個人share食飽飽，正。