大家樂 (已結業)

昨晚情人節大時大節應該無咩人會去食大家樂啩!點知放工後約八點半過到去,嘩! 點會有咁多人架!你地呢d一pair pair唔係應該要去鋸心型牛扒架咩!仲要同我呢d孤家寡人爭食仲無位添! 好彩好快有位,否則面矇矇企响度俾人眼望望好尷尬架!今晚叫左個五寶飯,有叉燒,紅腸,鹵雞翼,墨魚和咸旦,但我最憎食墨魚所以同師傳講可俾多隻鹵雞翼代替墨魚嗎!?! 但師傳話只可以俾多d菜,我明點解! 原來以前我食嗰隻四寶飯無咁大隻鹵雞翼架!今次咁大隻一定唔肯exchange啦! 無所謂啦!叫佢俾多d汁無餸都照食啦!