橘焱胡同燒肉夜食 (已結業)

從來都唔知道原來胡同燒肉係咁爆，唔定位嘅話你就真係要等好耐啦！今日咁啱俾我哋2人walk in到，坐吧枱都好呀！我最鍾意食嘅牛舌，就當然唔少得啦！牛舌燒到煙煙韌韌，味道有少少蘇，連埋蔥粒一齊食真係好正啊！店員會比檸檬汁你點，酸酸地，但係同牛肉嘅香味又好夾喎！之後點左塊牛扒，唔記得左叫咩名，但係淨係記得好好食，燒到仲有少少血水，質地非常林，咬落成口都係牛肉嘅香味，仲有少少油香，好味！我仲叫咗一個三文魚茶漬飯，我好鍾意茶漬飯嘅湯，唔會太鹹，用嚟送飯啱啱好。三文魚就咁食就似刺身，擺埋入湯食就係半熟嘅三文魚，兩種食法都唔錯！