樂天廚房 (已結業)

見到新裝修，開頭都多人排隊，諗住應該唔錯吧。第一次去食晚餐夜晚9點零鐘，叫乜都冇，油面冇米線冇河粉冇嗱沙湯底冇，唯有叫個雞絲札肉米粉同海南雞飯。雞絲超少，米粉超少，成碗野既份量好似人地食剩倒埋一齊咁上。海南雞又話出名，黎到得幾塊雞，唔係個三種醬，我都食唔哂d飯。ok fine。我當係我遲黎食尾水。忍。第二次食下午茶，諗住俾多個機會你，試下常餐，實冇死啦。叫左沙嗲牛面，蕃茄腸仔通，牛乳炒蛋。黎到碗面漲哂，又話牛乳蛋，少少奶味都冇，又唔滑。食到我火都黎。今晚落大雨，路過見到冇乜人排隊同埋見時間仲早，心諗俾多最後一次機會你。入到去，叫個嗱沙滲滲，同埋鐵板餐，叫多杯芒果果茶。點知真係忍夠了。嗱沙40元，份量少到離譜，一包出前一丁既份量都冇。湯底暖偏凍，我夾左兩次碗面就見底。鐵板餐我叫雜扒，雞皮厚，食到尾雞同豬扒都唔係全熟。我剛剛食完即刻返黎留個record。聽日有乜肚痛都可以知道食左乜野出事。我第一次食野食到咁興，我從來唔寫食評，我都要上黎reg個新account去寫。覺得我係打手既可以自己去食下。上面d食評仲話好食個d究竟收左幾多錢？不吐不快上。餐飯食左$106我而家要煮杯面，食完好似冇食。