影片
更多
2021-08-28
372 瀏覽
俾錢買難受，受氣服務一流。今次真係好激氣，食份早餐姐，咁都要俾你鬧~~話说呢間上海店，假期早餐時段係由7：00至12：00！一入到去坐低叫菜，就俾果位太子仔話：「11：30啦，好多嘢都冇㗎啦，下次你哋要早啲嚟，唔好等到11：30先嚟啦」。我心諗，我都未話要乜，你就咁講？頂，乜事先？算，我哋都照叫，一客粢飯....佢就即刻講，粢飯我哋都唔係好想再整㗎啦！我就問，咁即係有定冇呀？有就一個字，冇都係一個字姐.... 跟住佢就問，要幾多件？我哋要一件姐！佢先肯落單！跟住就開始嚟啦，呢樣冇果樣冇，係咁問你仲要乜，要你即時决定，要一次過落單，一次過送嚟，唔幫你分開落！喂，大佬，你呢樣冇果樣冇，點樣即時决定呀？心諗：不如你講仲有乜啦？如果你好忙，咪轉頭先落囉，做乜姐？最後，我哋只係叫咗粢飯，煎餃，小籠包同兩杯豆漿就算了，加埋都成百蚊啦！最後粢飯嚟咗，老老實實，佢嘅粢飯都幾好食，裡面的油炸鬼脆卜卜，啲飯又煙煙韌韌，幾好味！其實油炸鬼係好關健，只要係鮮炸，果一次嘅粢飯就會好味！有時呢間嘢啲粢飯會一般般，因為油炸鬼做得不好。根住要講嘅係，粢飯嚟咗後，果位太子仔落咗好多粢飯單，有十件以上！之前你又話唔想再做
今次真係好激氣，食份早餐姐，咁都要俾你鬧~~
話说呢間上海店，假期早餐時段係由7：00至12：00！一入到去坐低叫菜，就俾果位太子仔話：「11：30啦，好多嘢都冇㗎啦，下次你哋要早啲嚟，唔好等到11：30先嚟啦」。
我心諗，我都未話要乜，你就咁講？頂，乜事先？算，我哋都照叫，一客粢飯....佢就即刻講，粢飯我哋都唔係好想再整㗎啦！我就問，咁即係有定冇呀？有就一個字，冇都係一個字姐.... 跟住佢就問，要幾多件？我哋要一件姐！佢先肯落單！
跟住就開始嚟啦，呢樣冇果樣冇，係咁問你仲要乜，要你即時决定，要一次過落單，一次過送嚟，唔幫你分開落！
喂，大佬，你呢樣冇果樣冇，點樣即時决定呀？心諗：不如你講仲有乜啦？如果你好忙，咪轉頭先落囉，做乜姐？最後，我哋只係叫咗粢飯，煎餃，小籠包同兩杯豆漿就算了，加埋都成百蚊啦！
最後粢飯嚟咗，老老實實，佢嘅粢飯都幾好食，裡面的油炸鬼脆卜卜，啲飯又煙煙韌韌，幾好味！其實油炸鬼係好關健，只要係鮮炸，果一次嘅粢飯就會好味！有時呢間嘢啲粢飯會一般般，因為油炸鬼做得不好。
根住要講嘅係，粢飯嚟咗後，果位太子仔落咗好多粢飯單，有十件以上！之前你又話唔想再做粢飯嘅？人衰真係冇得救，其實呢間嘢咁嘅態度，都仲有咁多人幫襯，香港人真係冇得救！我上一次嚟都成年幾前，果次就俾佢呀媽鬧，係咁鬧你未做安心出行，我入店時已講咗，俾我放低果兩大袋嘢，我就會整㗎啦！但佢呀媽唔理，係咁鬧，要即刻做！從以上經歷，呢兩母子都係有問題！
張貼
