影片
更多
2023-03-20
172 瀏覽
住得深井既大部份餐廳都去過曬，呢間本身野食就普普通通，係個明太子意粉都幾好食所以間唔中都會嚟（雖然我呢排都覺得連呢樣都麻麻哋），價錢嚟講以地段計其實絕對係overprice,但係深井選擇唔多如果唔想出去食都係一個選擇。首先講外賣，我試過喺佢個網站order買咗先，跟住落街去攞（3分鐘距離），本身諗住呢個都幾方便。但係一間Cafe（唔系茶餐廳麥當勞價錢）嚟講咖啡係需要等到客人喺度先沖係常識吧？落到去攞嘅時候，杯咖啡都唔知擺咗喺度幾耐，係微暖。亦都試過唔用個網站直接去嗰度叫外賣，結果都係一樣，要等晒啲嘢食一齊比杯其實一早已經沖好嘅咖啡俾我，仲要係我個人一直企咗喺出面，可以睇得出佢對於自己嘢食嘢飲嘅品質要求有幾咁高。最嬲嘅係今次轉咗堂食，一如既往雖然服務員好似好有禮貌咁樣打招呼，但係之後除左要送餐之外係唔想再理你嗰隻，問佢攞Menu佢話冇叫你用QR code，佢連一份可以即刻攞出嚟俾人睇嘅Menu都冇，勁唔user friendly.之後等嘢食期間我想問佢要杯暖水，佢叫我自己出去倒， OK雖然間舖都冇其他客人，但係佢都唔會諗住倒俾你，但係ok我都接受嘅，因為而家好多Cafe都好興咁樣。咁我行
首先講外賣，我試過喺佢個網站order買咗先，跟住落街去攞（3分鐘距離），本身諗住呢個都幾方便。但係一間Cafe（唔系茶餐廳麥當勞價錢）嚟講咖啡係需要等到客人喺度先沖係常識吧？落到去攞嘅時候，杯咖啡都唔知擺咗喺度幾耐，係微暖。亦都試過唔用個網站直接去嗰度叫外賣，結果都係一樣，要等晒啲嘢食一齊比杯其實一早已經沖好嘅咖啡俾我，仲要係我個人一直企咗喺出面，可以睇得出佢對於自己嘢食嘢飲嘅品質要求有幾咁高。
最嬲嘅係今次轉咗堂食，一如既往雖然服務員好似好有禮貌咁樣打招呼，但係之後除左要送餐之外係唔想再理你嗰隻，問佢攞Menu佢話冇叫你用QR code，佢連一份可以即刻攞出嚟俾人睇嘅Menu都冇，勁唔user friendly.之後等嘢食期間我想問佢要杯暖水，佢叫我自己出去倒， OK雖然間舖都冇其他客人，但係佢都唔會諗住倒俾你，但係ok我都接受嘅，因為而家好多Cafe都好興咁樣。咁我行出去佢頭先指俾我睇嗰個地方係剩係得冰水冇暖水，所以我又行返返自己個位度再問多佢一次我要暖水，今次係另外一個女仔答我話下次要自己倒㗎喇，而家冇其他客人可以幫我，但係其實佢將啲暖水擺咗去第二個位唔係頭先嗰個人叫我去嗰個位，算數，總之你俾我都唔理你啦，要杯水好似求你咁樣。雖然成件事我都已經唔係咁滿意，不過我又唔係第一次嚟佢嘅服務態度係咁我都預咗。點知係我食食吓期間，頭先嗰個女仔突然間又走過來細細聲喺我隔離同我講話下次真係要自己倒水啦，因為老細喺呢個位度裝咗cam見到佢幫我倒水會話佢。🤷🏻♀️🤷🏻♀️🤷🏻♀️🤷🏻♀️我完全係唔想理佢。會有個老闆因為你倒杯水俾個客人話你？冇嘢吖嘛？係真嘅話真係好有問題喎。同埋就算個老闆真係咁衰格，你唔俾都俾左，竟然咁樣同個客人講？我真係第一次聽。亦都係因為咁，就算我喺深井冇乜選擇都決定唔會再幫襯。叫你斟杯水啫都要一而再再而三俾說話我聽，價錢又特別貴嘢食又唔係特別好食，茶餐廳都好服務過佢不知所謂🤷🏻♀️🤯😡
張貼