影片
更多
2021-10-02
587 瀏覽
地址－雙節棍粉麵餐廳深水埗石峽尾石峽尾邨白田街33號美葵樓地下5號舖前排同老友去深水埗睇GAME，睇完後要食飯，但係深水埗間間餐廳都勁多人排，行下行下就去左石硤尾個頭，睇到間餐廳名有點搞笑，就入去試下XD💋家鄉薯仔炆雞翼，勁大兜！真係勁大兜，佢唔知係薯仔份量多，佢雞翼都好多，數過都有8隻咁多！仲要每隻都好大隻下，似平時買急凍的大SIZE雞翼，以餐廳黎講應該比較少見，幾好，食落冇咩雪味，佢事先有裹粉去再炸，幾有層次，唔錯。薯仔方面，數唔到咁多舊，我地最後都投晒降，食唔晒咁多粒(咁當然關我細食事啦，一定係！)但可惜的係佢炸得過左火，有D燶味，可能師傅太忙掛，我唔相信佢家鄉興咁燶囉，但整體黎講佢有點過鹹，食完全晚都要狂灌水，好似落左唔少味精咁，浪費左高品質的食材，可惜也！💋生炒咕嚕肉，我朋友提議食呢個，我呢D咁順得人意，當然唔會拒絕啦，上到黎份量都唔惹少，勁多肉，仲要啖啖肉，唔係用排骨，味道方面唔錯，唔會過鹹，係洋蒽有點過生，我就冇咩野，如果介意的話可以避一避，D菠蘿都唔酸，可能呢期當造關係，食親都好甜，勁正！💋 濃湯杞子竹笙時蔬，我地係健康小人類，當然要食下菜菜去平衡返啦，見到呢碟菜名都幾
深水埗石峽尾石峽尾邨白田街33號美葵樓地下5號舖
前排同老友去深水埗睇GAME，睇完後要食飯，但係深水埗間間餐廳都勁多人排，行下行下就去左石硤尾個頭，睇到間餐廳名有點搞笑，就入去試下XD
💋家鄉薯仔炆雞翼，勁大兜！真係勁大兜，佢唔知係薯仔份量多，佢雞翼都好多，數過都有8隻咁多！仲要每隻都好大隻下，似平時買急凍的大SIZE雞翼，以餐廳黎講應該比較少見，幾好，食落冇咩雪味，佢事先有裹粉去再炸，幾有層次，唔錯。薯仔方面，數唔到咁多舊，我地最後都投晒降，食唔晒咁多粒(咁當然關我細食事啦，一定係！)但可惜的係佢炸得過左火，有D燶味，可能師傅太忙掛，我唔相信佢家鄉興咁燶囉，但整體黎講佢有點過鹹，食完全晚都要狂灌水，好似落左唔少味精咁，浪費左高品質的食材，可惜也！
💋生炒咕嚕肉，我朋友提議食呢個，我呢D咁順得人意，當然唔會拒絕啦，上到黎份量都唔惹少，勁多肉，仲要啖啖肉，唔係用排骨，味道方面唔錯，唔會過鹹，係洋蒽有點過生，我就冇咩野，如果介意的話可以避一避，D菠蘿都唔酸，可能呢期當造關係，食親都好甜，勁正！
💋 濃湯杞子竹笙時蔬，我地係健康小人類，當然要食下菜菜去平衡返啦，見到呢碟菜名都幾健康下，就叫佢，侍應姐姐態度唔錯，佢有問我地想要咩菜，我地係精挑細選下揀左娃娃菜，佢出到黎勁大棵，嚇死寶寶，雖然佢寫係濃湯，但無論味道同濃稠度黎講似係清雞湯多D，唔太食到佢用左咩濃湯，咁反而仲好，清清地唔錯，佢竹笙份量比X仔個D多N倍，心理感覺良好好多XD，佢數量多之餘又切得大塊，好容易就搵到佢出黎食，幾好。
張貼
