素味牽 (已結業)

新開，加藤屋分支，亦位於深水埗加藤屋隔離。裝修有綠綠地，松木色枱，白膠椅，感覺有啲似canteen。有兩餸飯，湯米線，似茶餐廳，只不過都係素肉。.🔸黯然銷魂飯($50)分數: (8.5/10)食完一啲都唔黯然，估佢唔到，好好食！✨煎蛋唔簡單好香蛋味，煎到個邊少少脆，中間好滑，蛋黃唔太生，亦唔會熟哂，篤開有啲稔既流心。✨素叉燒，味道同平時叉燒豬肉差不多，外面有蜜糖甜甜地，燒得好香，中心仲扮埋半肥瘦。✨佢個醬油甜甜地，撈飯十分正。.🔸洛神花茶(跟餐)分數: (7/10)帶飯送熱特飲，洛神花酸酸甜甜，好開胃。.🔸熱齋啡(跟餐+$4)分數: (4/10)唔掂，好難飲。