影片
更多
2018-08-31
2591 瀏覽
馬鞍山一向被喻為「食物沙漠」，唔好話火鍋店，就連比較好d既餐廳一開都排滿晒人，最近知道馬鞍山開左我幫襯開既養心殿，咁近我屋企，又點可以唔去幫襯下？！是晚星期四，估唔到7 :00 左右已經人頭湧湧，未至於要排隊等位，不過都十分多人！好彩間店既座位多，我哋一行四人都無大問題！養心殿主打台式養生火鍋，除左火鍋外，有好多配料都係台式食品，有d仲係飛機直送！ 配料種類之多，足足有2 頁紙，每個類別都有好多選擇，真係好難揀呢！醬料方面貴精不貴多，因為本身個鍋既味道都十足，而且配料都幾新鮮，唔駛點醬汁都好好食，當然加d蒜汁，葱，辣椒同醬油都幾惹味！湯鍋喺落單後無耐就送到，參味濃郁，而且配料都非常豐富，有桂圓乾，鴨血，當歸，紅棗等材料，除左參味仲帶d甜味！食開養心殿都知佢哋既質素有保證，今晚都唔例外，極上雪花肥牛肥瘦均勻，賣相吸引，牛味重！至羊肉就鮮味十足，味道有少少膻，不過經過個湯底洗禮後，又會變得鮮甜！ 今晚我哋食既配菜同湯鍋，其實除左肉類外，佢哋既丸類同餃類都係好好食，餃既餡料都鮮味十足，隻隻都大大粒，想食晒咁多隻味，可以叫餃子拼盤，每款有2粒！另外特別推介香脆十足既響鈴，仲有有咬口既鮮味鴨血
是晚星期四，估唔到7 :00 左右已經人頭湧湧，未至於要排隊等位，不過都十分多人！好彩間店既座位多，我哋一行四人都無大問題！
養心殿主打台式養生火鍋，除左火鍋外，有好多配料都係台式食品，有d仲係飛機直送！
配料種類之多，足足有2 頁紙，每個類別都有好多選擇，真係好難揀呢！
醬料方面貴精不貴多，因為本身個鍋既味道都十足，而且配料都幾新鮮，唔駛點醬汁都好好食，當然加d蒜汁，葱，辣椒同醬油都幾惹味！
湯鍋喺落單後無耐就送到，參味濃郁，而且配料都非常豐富，有桂圓乾，鴨血，當歸，紅棗等材料，除左參味仲帶d甜味！
食開養心殿都知佢哋既質素有保證，今晚都唔例外，極上雪花肥牛肥瘦均勻，賣相吸引，牛味重！
至羊肉就鮮味十足，味道有少少膻，不過經過個湯底洗禮後，又會變得鮮甜！
今晚我哋食既配菜同湯鍋，其實除左肉類外，佢哋既丸類同餃類都係好好食，餃既餡料都鮮味十足，隻隻都大大粒，想食晒咁多隻味，可以叫餃子拼盤，每款有2粒！
另外特別推介香脆十足既響鈴，仲有有咬口既鮮味鴨血，都係值回票價既配料！
食完貼上fb先知，原來好多朋友都問我呢碟炸午餐肉喺邊有得食？ 我而家先知原來咁多同好，喜歡午餐肉既朋友千祈唔好錯過，炸完既午餐肉，仲香口！
今晚既飲品係自家製杞子菊圓肉露，菊花味突出，都幾潤喉，用嚟降降火就最好不過！
張貼
