Cafe Ceres (已結業)

打算放工和同事傾計食野，就諗到來這間餐廳，半個月前才來過吃tea set ，覺得很好味，環境又舒適，係一個可以和朋友慢慢食，慢慢傾計嘅好地方。叫了茄汁海鮮意大利粉賣相已很吸引，味道更佳。海鮮材料豐富，有青口、蝦、魷魚、三文魚等，另外個芝麻包也很好味，芝麻香口，麵包暖暖的。咖哩牛腩配法國包咖哩夠香，甜甜地，初時覺得不太辣，但底層嘅咖哩都幾辣的。牛腩好入味，又腍又唔痴牙，好好味，個麵包亦好味，雖則是法國麵包，但不是太硬身，用它來點咖哩食，好正。煙三文魚薄餅個餅底極薄，似餅乾。薄餅上有很多芝士，味道不錯。