Zakka (已結業)

昨午去到銅鑼灣，下午茶時段唔知食乜好， 度度都多人，於是家姐介紹食呢一間西餐廳， 啱晒我口味，份量又多， 地方又大又乾淨， 真係超好味， 尤其雞肉厚三文治，芝士量多又好濃味，仲烘底，配上雞翼少油又鬆脆， 另雞肉沙律加芝麻醬，有成七八舊大大舊嘅雞髀肉 ，真係very good. 食完真係唔使食晚飯， 仲嗌咗冷熱檸檬茶各一杯， 舊檸檬係四分一嚿冇切片， 檸檬味好香。 唯獨Order 係要自己出去買, 之後有職員送來。 响銅鑼灣用呢個價錢食到咁嘅份量，真係非常抵食！最後我哋兩個係食唔晒嘅。