影片
更多
2011-06-29
133 瀏覽
我係一個甜品fans，成日周圍去搵美味甜品，前排見到小白鷺餐廳個facebook有coupon優惠，午餐送沙律吧，晚餐送甜品拼盤，呢間餐廳個名就聽得多，但從未去過食飯，今次為左試下甜品做借口，便立即同幾個為食friends來到大埔白鷺湖試試。我地係大埔墟火車站坐的士好快到，一行六人坐在餐廳中間位置，估唔到晚上呢度氣氛咁正，樓底好高，餐廳外面就係白鷺湖，環境超靚，食個境都唔錯啦。 當然淨得個境靚唔實際，最重要D野好食，一於醫肚先，佢地精選晚餐有成十樣主菜揀，價錢由$148到$268，我地點左菜後，餐廳經理話周一至五凡光顧精選晚餐，甜品有半價優惠，咁就啱晒啦，除左coupon送的甜品拼盤之外，我地仲點左兩客呢度最出名的「朱古力軟心蛋糕配雪糕」，仲有「小白鷺甜品拼盤」同「焗牛油面包布甸」。 先講主菜，我叫左客「煎新西蘭原條龍脷魚伴田園沙律」，超大條！條魚煎得啱啱好，D肉好滑好香，我幾怕食完條魚飽到食唔到甜品，但都忍唔住食晒佢咯
當然淨得個境靚唔實際，最重要D野好食，一於醫肚先，佢地精選晚餐有成十樣主菜揀，價錢由$148到$268，我地點左菜後，餐廳經理話周一至五凡光顧精選晚餐，甜品有半價優惠，咁就啱晒啦，除左coupon送的甜品拼盤之外，我地仲點左兩客呢度最出名的「朱古力軟心蛋糕配雪糕」，仲有「小白鷺甜品拼盤」同「焗牛油面包布甸」。
先講主菜，我叫左客「煎新西蘭原條龍脷魚伴田園沙律」，超大條！條魚煎得啱啱好，D肉好滑好香，我幾怕食完條魚飽到食唔到甜品，但都忍唔住食晒佢咯！D friends 叫左「希臘焗龍蝦扁意粉」、「燒德國無骨豬手配蜜糖芥末汁」、「新西蘭羊鞍扒配薄荷紅酒汁」、「美式炸魚薯角」、「馬來咖喱牛腩」，佢地對D菜評語都覺得水準之上，除左有女仔話D主菜份量太大，食唔晒！有個以前黎食過的朋友話今次比以前好食好多，後來問餐廳經理，佢話換左個大厨，唔怪之得啦。
食完主菜，最令人期待的「心太軟」來了，果然無令我失望，熱辣辣的朱古力漿好似溶岩咁流出來，一啖朱古力蛋糕，一啖雪糕球，冰火感覺真係好正，其他甜品我當然都無放過啦，結果成班人食到飽到上心口，好滿足！成餐飯一共食左一千二百多元，六個主菜加四客甜品，每人都係兩百，超抵！
我好少寫食評，因為食到好野同人分享會比人話做廣告，好無癮！食到唔好的自己又唔想再浪費時間去寫，只有唔再去幫襯做抗議！今次係第一篇食評，希望以後食到好野再同大家分享啦！
張貼
