6座雲吞麵 (已搬遷) 新店位置

平平地想食個tea，雲吞粉都係一個唔錯嘅選擇。佐敦食店眾多，見呢度下午茶幾抵食，環境又ok，就入去試試。有別一般粉麵店，呢度裝修骨子，感覺整潔，$28有一碗粉、一個小食同一杯飲品，確係優惠。雲吞麵（多腩汁）雲吞唔算大粒，但勝在皮薄同餡料均勻，肉同蝦各佔一半。湯底鮮甜，本身已加咗啲蝦子作點綴，加上我嗌咗多腩汁，所以並唔覺店來食評所提及嘅湯淡。但麵就唔夠麵香，有待改善。風沙雞翼4小件單骨雞翼。感覺似普通炸雞翼，冇嘜特別，不過就炸得香口，同埋熱辣辣。炸醬麵老公單嗌咗炸醬麵，$28。對麵嘅comment一樣，冇嘜麵香。炸醬就唔錯，酸酸甜甜，肉絲外仲有啲冬菇作配料，口感更佳。值得一提嘅係呢度嘅辣椒油真係幾辣，不過樽面已有溫馨提示，唔食得辣嘅話千其唔好落咁多。整體嚟講味道算唔錯，尤其係呢度以冇味精作招徠，味道當然冇其他麵店咁惹味。但呢度坐得舒服，價錢又優惠，都值得幫襯。