影片
更多
2020-12-13
432 瀏覽
自己一直好fancy港式茶餐廳 尤其是係果種懷舊嘅味道 飲啖奶茶 食啖沙嗲牛肉麵 真係特別愜意😌不過因為自己控制體重同埋女朋友唔太鍾意食茶餐廳嘢食 所以呢一兩年食茶餐廳嘅次數都真係十隻手指數得哂😥一直都知中環有兩間岀名嘅大排檔式茶記 不過亦無的起心肝特登過去試 咁啱今過星期六下晝想去上環果頭嘅咖啡店cafe hopping 所以就決定同女朋友去勝香園食完嘢再岀發😋係中環站行過去其實都好快 大概十五分鐘路程 一行到去歌賦街無耐就已經見到人排緊隊 不過因為去嘅時候係一點左右所以我哋都預咗要等 最後等左十五分鐘到就有位嚕😁一坐低我哋就係度研究食咩好 最後因為好肚餓所以就叫左四樣野📝1. 蕃茄鮮牛肉豬扒蛋通粉 $42 - 👑👑👑👑2. 蕃茄雙腸餐肉蛋通粉 $37 - 👑👑👑👑3. 奶油咖央脆脆 $21 - 👑👑👑👑👑4. 混醬脆脆 $21 - 👑👑👑👑蕃茄鮮牛肉豬扒蛋通粉勝香園最出名嘅蕃茄湯底果然名不虛傳 一嚟到嘅時候見到個湯紅卜卜就忍唔住馬上要飲啖湯 酸酸甜甜 蕃茄味濃郁 每啖都有蕃茄蓉 真係會忍唔住係咁飲😂 鮮牛肉同蕃茄好夾 豬扒亦醃得好入味 煎蛋佢都唔馬虎係荷包蛋 一咀落去蛋黃爆哂漿 勁
不過因為自己控制體重同埋女朋友唔太鍾意食茶餐廳嘢食 所以呢一兩年食茶餐廳嘅次數都真係十隻手指數得哂😥
一直都知中環有兩間岀名嘅大排檔式茶記 不過亦無的起心肝特登過去試 咁啱今過星期六下晝想去上環果頭嘅咖啡店cafe hopping 所以就決定同女朋友去勝香園食完嘢再岀發😋
係中環站行過去其實都好快 大概十五分鐘路程 一行到去歌賦街無耐就已經見到人排緊隊 不過因為去嘅時候係一點左右所以我哋都預咗要等 最後等左十五分鐘到就有位嚕😁
一坐低我哋就係度研究食咩好 最後因為好肚餓所以就叫左四樣野📝
1. 蕃茄鮮牛肉豬扒蛋通粉 $42 - 👑👑👑👑
2. 蕃茄雙腸餐肉蛋通粉 $37 - 👑👑👑👑
3. 奶油咖央脆脆 $21 - 👑👑👑👑👑
4. 混醬脆脆 $21 - 👑👑👑👑
蕃茄鮮牛肉豬扒蛋通粉
勝香園最出名嘅蕃茄湯底果然名不虛傳 一嚟到嘅時候見到個湯紅卜卜就忍唔住馬上要飲啖湯 酸酸甜甜 蕃茄味濃郁 每啖都有蕃茄蓉 真係會忍唔住係咁飲😂 鮮牛肉同蕃茄好夾 豬扒亦醃得好入味 煎蛋佢都唔馬虎係荷包蛋 一咀落去蛋黃爆哂漿 勁滿足
蕃茄鮮牛肉豬扒蛋通粉
$42
18 瀏覽
0 讚好
0 留言
蕃茄雙腸餐肉蛋通粉
同樣有着鮮甜濃郁嘅蕃茄湯底 換上傳統茶餐廳早餐嘅香腸餐肉同埋煎蛋 亦別有一番風味 唯獨是係餐肉嘅刀工十分好 切到好薄 如果可以厚啲口感會好好多😂
蕃茄雙腸餐肉蛋通粉
$37
27 瀏覽
0 讚好
0 留言
奶油咖央脆脆
勝香園嘅脆脆係佢哋嘅另一樣名物 不過我哋無叫好多人推薦嘅檸蜜脆脆 反而叫左自己鍾意嘅咖央 脆脆係即叫即焗嘅 需時大概15分鐘 一嚟到嘅時候見到上邊搽滿哂煉奶就知道十分邪惡 一口咬落去 HOLY! 真係無愧對佢個名 外面十分鬆脆而包入面就黏黏地有小小煙韌 好有口感 而且每啖都食到濃濃嘅牛油咖央同煉奶味 真係超級推薦！🤤
奶油咖央脆脆
$21
23 瀏覽
0 讚好
0 留言
混醬脆脆
混醬其實就係即係奶醬 不過換做搽係豬仔包上邊在拎去焗 變成混帳脆脆 又比平時嘅奶醬多好食好多 醬嘅比例亦好好 唔會太甜 每一啖都食到濃濃嘅花生醬味🤤
混醬脆脆
$21
25 瀏覽
0 讚好
0 留言
食完我哋見到出邊仲大排長龍所以都係馬上埋單走人 兩個人百幾蚊以呢度嘅食物質素嚟講真係物超所值 最重要嘅係喺呢度除左食到岀色嘅茶餐廳食物外 仲要食到逐漸消失嘅老香港味道
P.S. 因為佢始終係大排檔無冷氣 所以推薦大家襯而加係秋冬嘅時候去食 涼風之下食碗暖笠笠嘅湯麵絕對係一大享受 夏天去嘅話就要有汗流浹背嘅心理準備嚕😅
張貼
